Friday, September 14, 2007

ما عليكم شرها

من اسبوع و أنا أفكر بموضوع للخطايا ثمن أو المسلسل الاول بالكويت الذي دربك الدنيا وصار القضية الأولى

وبعد متابعتي للنص في مدونة عاجل وجدنا الاسلوب الرخيص بالنص

لكن السؤال ماذا فعل رئس الوزراء و أعضاء مجلس الأمه لمسلسلات فجر السعيد ؟


ناخذها حبه حبه لكل : قصه / كتاب / روايه... أسس وهي :

1- النص
2-الهدف
3- ترابط الأفكار
4- الخاتمه المقنعه


ثمن عمر - القرار الاخير - الوريث - دروب الشك .... إلخ

أنا ما أذكر كل القصص بس بعطيكم فكره سريعه من كل مسلسل

مال الصلال و حياة الفهد اللي ولدهم البكر الصيرفي و كان مليق أيامها حده و البلام أطرم و عمه ماكل حلاله و معيشه بالملحق ؟

الثاني مال عيال المنصور إللي أخوهم العود جنه صدام و كلمته دايمن مسموعه؟

ومال النفيسي عضو مجلس الامه و مرته بنت كاش و عنده صاحبه عندها صالون و تدخن و عيال مو معترف فيهم و عنده بنت بويه

و مال غانم الصالح اللي يلكه مع ولده بالشاليه

شدعوه ؟ نحن ككويتيين نرفض هذا النوع من الفن الرخيص بس كقيمنا إنهانت بس في مردم تكلم ؟

وثاني شي كا شقوا المتدينين بمسلسلاتهم ماتكلموا

دشداشه قصيره غتره هدد و لحيه طويله

و يزف خواته شدعوه؟


والله المشكله عندنا بالكويت إن إللي ماسكين زمام الأمور بهالديره كل واحد أثول من الثاني ماكو مخ

عندنا ألف مشكله و مداحرين مسلسل ؟؟

يا عمي حل مشاكل الديره بالأول

بالله شيللي حادنا على التدوين غير الكدر !!

والله باجر راح تنشوون بنار جهنم

محد فيكم يفكر فينا؟

يا جماعه وراس أمكم فكروا شوي

الديره تغللي والله بركان والله بننهار منكم !

بطاله - فساد - رشاوي - كهرباء - ماء -

مسكت واحد أمس وقلتله شنو اللي مو تلفان بالديره ؟

قالي شي واحد بس :

ماضي هالديره



27 comments:

ButterFlier said...

الأثول

=


خوش ريال

Anonymous said...

وجهة نظر...احنا قاعدين نضيع الوقت و الجهد و نتحرك نحو اطفاء المشاكل الصغيرة و نترك المشكلة العظمي و هي الرؤية و الأستراجية و الخطة التي يجب ان نسير عليها لنلحق بركب الدول التي سبقتنا...نحتاج الي الغاء الكثير من التوافه من اجندتنا و ان ننظر لكيفية الأمساك بزمام الأمور ..الكل يعمل و يجب ان نتحد جميعا و نوجه نظرنا نحو الهدف و هو ارضاء الرب اولا ثم النفس...الله يحفظكم جميعاً مبارك عليكم و الشهر و عساكم من عوادة
دافنشي

بو حامد said...

صديقي

مسلسل = مو ضروري يصف الواقع

3ashig said...

خاط الاوراق و افتعال الازمات اسلوب رخيص

لتغير البوصله نوابنا و اعضاء حكومتنا كل واحد اردى من الثانب

و دمتم

Mohammad Al-Yousifi said...

قاعد افكر جديا في تأليف مسلسلات

شكلها وايد ابرك و اربح و اسهل من الطدوين

Fahad Al Askr said...

دوّن حبيبي دوّن، ونحن من وراءك ندون أيضا

LAVENDER.Q8 said...

الله يستر عيى ماضي هالديرة

لايروح اهو بعد

محد ردنا قري الا مسلسلات فجر

hamdool said...

مبارك عليك شهر رمضان
وعساه خير وبركه عليك
وعلينا وعلى كل الأهـل

BeeBee said...

WaLLah Ma7ad DamaRna ELla Bent Else3eed hathii

heffffffff Mo`rifaa Sawatna

sha3b ay shay

ButterFlier said...

da vinci

كلامك حلو

و كل عام و إنت بألف خير

ButterFlier said...

بو حامد


صح كلامك

ButterFlier said...

3ashig

ملعوبا ياخوي

ButterFlier said...

m6goog


انت أحسن من ألف كاتب بالكويت والله

ButterFlier said...

العسكر

وراسك محد بوقف :)

ButterFlier said...

lavender q8


هذا كلام صح

ButterFlier said...

hamdool

علينا وعليك

ButterFlier said...

beebee

كلامج صخ و للأسف محد وقفها عند حدها

الحارث بن همّام said...

أشعر بالخجل

Shaima'a Alkandari said...

ياما حنشوف اكتر


ريح بالك الدنيا فيها خير صج الخير موجود ومصيرنا نلاقيه

ومبارك عليك الشهر

فتى الجبل said...

والله الشرهة مو بس عليهم ... إلا على الشعب التافه اللي ينسى الأمور المهمة وينشغل بالتافه من الأمور

ButterFlier said...

والله أنا أقول

إنفلها و نقعد على تاها

و تقبل الله طاعتكم

Unknown said...

هذي يسمونها مشاكل لحلول ترقيعية
شئ تافه يسون منه لوية

زمن الروبيضة يا عزيزى

Bad-Ran said...

الكويت عندها ماضي وتاريخ ؟؟!!!؟

انا اللي اعرفه ان بس الشيوخ اللي عندهم تاريخ

Aldenya said...

الضجة اللى صارت لمسلسل للخطايا ثمن مالها داعي
لو صج هاممهم انهم مايثيرون الفتنه
وينهم عن الغربله اللى بمسلسلات السعيد
مو معروفه مايتهم :/

AuThoress said...

هكذا يكون إلهاء الشعب بــ توافه الامور، يخلونهم يتزاردون على سوالف "تافهه" لكنها تكبر فيما بينهم


كل يوم افكر، ما هي آخر "عملية إنمائية" طالت البلد، لأجل الشعب؟

لا تفكرون،لأن الامر موجع جدا

Nooni said...

تدري شنو المشكله
ان كل واحد يمسك سقوم يعفس الدنيا بالقرارات اليديده الي يحطها عشان يثبت وجوده

انزين يا اخي انت طبق الخطه الي مكتوبه على الورق اذا ما مشت عدلها مو اتقول اتالف شي ثاني من يد و يديد علر بو انه افهم من الي قبله

و اخذ كل واحد يمسك لمده سنتين و لا اربع و يقعد يتعلم بالتجربه و الخطأ و تمر الايام و شالوه من كرسيه و لا عرف راسه من كرياسه

انا مو فاهمه بلد كامله مافيها شي صلب تمشي عليه اشلون؟!!

و احسن كلمه يقولونها )القوانين حاطينها عشان انعرف اشلون اندور حوالينها)

بالله هذا منطق!

someone_q8 said...

السلام عليكم

بعض المسؤولين المهمين للأسف اللي مو قد منصبه صايرين مثل النعامه اللي اذا خافت خشت راسها وخلت جسمها كله بره

احنا انشوف الامور التافهه كبيرة وانخليها كبيرة والمشاكل الكبيرة انسوي روحنا كأنها مو موجوده
خلها على الله