ويقالك الوالد و نحن نفتخر فيك يا والدنا ولكن هنا تكمن المشكله والدي "الصجي" الي آخذ منه
"المصرف" مرات ينسى يعطيني و مرات يقصر علي فأقوله "يبه" علامك "ساحب" علي؟ أو "خلفتني و نسيتني؟"
و مرات يوصل النقاش مع الاب "الصجي" للنجره و أطلع من البيت و عفسه وهذا شي طبيعي أنا إنسان لي وجهة
نظري الخاصه فيني و الوالد له وجهة نظره الماشيه مع ميزانيته...... ويمشي البلم ...
ومرات أنتقد الوالد لدرجة يزعل و يقولي أنا مو مقصر و أقوله يا حجي والله أنا أنتقدك عشان أبي الافضل للبيت و و و
.. مش خنخلص....
تنص المادة
54 من الدستور على ان الامير رئيس الدولة وذاته مصونة لا تمس
مره خرَ حمامي"عزكم ألله" قام يقطر ماي طشرني وايد وايد فقلت للوالده "ولية عهد بيتنا":
يا أم أحمد قولي للوالد " أمير بيتنا " بأن الحمام يخرَ و ثلاث قلوبات طافيه بداري ...
طبعا هذا مو كسل مني أو دلع بس نحن متعودين إن الوالد يدز الطوارىء
"كهربائي - مال صحيه - مدرس - خياط "
...........................
الولد كان يزعل ليه قتله يبا والله الزمن تغير.. الحين يبه قبل الناس كلمتهم جيك مصَدق
يبه الناس غير الناس و موظفينك مو مثل قبل اللي تعطيه الخيط و المخيط وتثق فيه مثل أخوك يا يبه..
و هم مرات أقوله: يبه الدنيا صارت غاليه الدينار راحة بركته بس كل شي يزيد بالدنيا إلا مصرفك
و مره قتله: يبه ترى البيت صار قديم وإنت سياستك شاخت و قمت تنسى ترمم و تنسى تطوًر
و يبه: إسمعني أنا هم عضو بالعايله و لي حق أنتقد للمصلحه مونكاده فيك إنت أبوي يعني مالي غيرك ولا أبي غيرك
و الله يخليك لنا يالعود .. بس يبه ما قمت تتحملني ما قمت تاخذ مني
صاير كلش قبل كنت تقولي عطني رايك و ألحين صرت تقولي إنطم .. يبه والله ماني ماخذ منها شي انا ولدك و
مصلحتي و مصلحتك وحده ويا يبه أخوي العود يحبك و إنت كلا تطقه لما ينصح إخواني بس صج أخوي يحبنا يبه محد
قالك ؟ إن دوار الجوزات ما خلص من 2004 ؟ يبه محد قالك إن وزارة التربيه مخرجاتها فيلم ؟ مثلك شايف عربيتي
أي كلام؟ يبه والله البيت هش والله أي كلام وصدقني يبه بتطرد بشار أخوي أو جسوم؟ بس؟ و تهقا مراح نزعل يوم
طردتهم ؟ أو يوم سمعت كلام إللي ما يبي مصلحتنا يبه والله يتعمر البيت بشوية حب و شوية حنان و شوية إنتباه ترى
والله نسيت البيت يا يبه
"المصرف" مرات ينسى يعطيني و مرات يقصر علي فأقوله "يبه" علامك "ساحب" علي؟ أو "خلفتني و نسيتني؟"
و مرات يوصل النقاش مع الاب "الصجي" للنجره و أطلع من البيت و عفسه وهذا شي طبيعي أنا إنسان لي وجهة
نظري الخاصه فيني و الوالد له وجهة نظره الماشيه مع ميزانيته...... ويمشي البلم ...
ومرات أنتقد الوالد لدرجة يزعل و يقولي أنا مو مقصر و أقوله يا حجي والله أنا أنتقدك عشان أبي الافضل للبيت و و و
.. مش خنخلص....
تنص المادة
54 من الدستور على ان الامير رئيس الدولة وذاته مصونة لا تمس
مره خرَ حمامي"عزكم ألله" قام يقطر ماي طشرني وايد وايد فقلت للوالده "ولية عهد بيتنا":
يا أم أحمد قولي للوالد " أمير بيتنا " بأن الحمام يخرَ و ثلاث قلوبات طافيه بداري ...
طبعا هذا مو كسل مني أو دلع بس نحن متعودين إن الوالد يدز الطوارىء
"كهربائي - مال صحيه - مدرس - خياط "
...........................
الولد كان يزعل ليه قتله يبا والله الزمن تغير.. الحين يبه قبل الناس كلمتهم جيك مصَدق
يبه الناس غير الناس و موظفينك مو مثل قبل اللي تعطيه الخيط و المخيط وتثق فيه مثل أخوك يا يبه..
و هم مرات أقوله: يبه الدنيا صارت غاليه الدينار راحة بركته بس كل شي يزيد بالدنيا إلا مصرفك
و مره قتله: يبه ترى البيت صار قديم وإنت سياستك شاخت و قمت تنسى ترمم و تنسى تطوًر
و يبه: إسمعني أنا هم عضو بالعايله و لي حق أنتقد للمصلحه مونكاده فيك إنت أبوي يعني مالي غيرك ولا أبي غيرك
و الله يخليك لنا يالعود .. بس يبه ما قمت تتحملني ما قمت تاخذ مني
صاير كلش قبل كنت تقولي عطني رايك و ألحين صرت تقولي إنطم .. يبه والله ماني ماخذ منها شي انا ولدك و
مصلحتي و مصلحتك وحده ويا يبه أخوي العود يحبك و إنت كلا تطقه لما ينصح إخواني بس صج أخوي يحبنا يبه محد
قالك ؟ إن دوار الجوزات ما خلص من 2004 ؟ يبه محد قالك إن وزارة التربيه مخرجاتها فيلم ؟ مثلك شايف عربيتي
أي كلام؟ يبه والله البيت هش والله أي كلام وصدقني يبه بتطرد بشار أخوي أو جسوم؟ بس؟ و تهقا مراح نزعل يوم
طردتهم ؟ أو يوم سمعت كلام إللي ما يبي مصلحتنا يبه والله يتعمر البيت بشوية حب و شوية حنان و شوية إنتباه ترى
والله نسيت البيت يا يبه
كتب:
ولدك المحب
ولدك المحب
20 comments:
حاسه فيك
:(
تهقه في امل يرد البيت مثل ماكان واحسن بعد ما اخترب وصار بغرفتك ينام عشره غيرك ومو من اهل بيتك ؟ تهقه لي هدمتو سور بيتكم والحراميه طبو عليكم وخذو الي اكو والي ماكو تقدر ترد بيتك ؟
تهقه لي ابوك وامك تهاوشوا وبغوا يتذابحون ما ياثر على مستقبلك ؟ تهقه بيت يرانكم الي كان من طين وصار ناطحة سحاب تقدر تقايشهم وانت ماعندك مخطط حتى حق ملحق ؟ تهقه حنفيه الماي الوحيده الي كل البيت يستخدمها ماراح تخلص وليلحين ماعندكم فكرة شنو بتسوون لي خلص عليكم الماي ؟
اعتقد صعبه دام الوالد ليلحين مو هامه بيتكم
بتقولي شدراك ببيتنا جنك عايش ويانا بقولك ادري مالحال من بعضو
:)
ابوي ميت من زمان
الله يرحمه
كفيت ووفيت
لكن وآخ من لكن
وعلى قولة الشاعر
لقد أسمعت لو ناديت حياً
ولكن لا حياة لمن تنادي
مقالتك عورت قلبي
أنا أقول خل الوالد يستريح .. وأنتوا تمسكون ادارة البيت أحسن
تفاءلوا بالخير
ومهما كان الوالد يشد على اولاده الا ان بالاخير جميعنا نتعاضد لسند الوالد
وهو يساندنا
قد يكون هناك احد الاخوان لنا من يوصل الكلام والمعلومات المغلوطه مما يجعل الفكرة مغلوطه عنا لديه
ما نفقد الأمل
الوالد قد يقسو على أولاده بعض الأحيان و يمكن هموم الحياة تشغله عنهم لكن حبه لهم يظل و ما يتزعزع
بنهاية الأمر راحة الوالد و سعادته تكون من سعادة و راحة عياله
طولها الوالد ناسييينا
لو شنو صار وبيصير وبيسوي بيتم بالاولى والاخير اهوه الابووو
Butterflier
قلبك وايد كبير
الله كريم انشاءالله و مادري شقول الصراحة
مشاعرنا متضاربة هاليومين من اللي صار
قلبك ابيض مثل ابوك
الله يخليه لك ولنا
الله يكون بالعون
الشق عوود
أنا لما الحين أحس الخير ليه جدام
وين حلقاتكم مالت التاريخ ؟؟؟ هونتوا ؟؟؟
مرد الشخص يوصل لي مرحلة الرشد ويستغني عن ابوه او تطلع من تحت شور ابوك
خاصه اذا كان من الاساس كل واحد يفكر بطريقه
من قال ديرتنا تشكا منا ** بيت الشعر ما يشتكي عمدانه
بظل أتحمل أبوي وأنصحه ..
كفي على وطنـــي
كفي على وطني
:(
Post a Comment