Wednesday, September 19, 2007

مسلسلات الدعارة

مو متعود أكتب باللهجة الكويتية بس من حر ما فيني ما يبرد جبدك الى لهجتك شهالمصخره الي يسمونها مسلسلات شنو الكويت مافيها الا هالأشكال العفنة مافيها ناس زينة والي يقهر تلقا نص ستاف المسلسل مو كويتيين ويطلع المسلسل باسم الكويت وان الشعب الكويتي وصخ ليش يا جماعة؟؟ لا يقولونلي هذا واقع والخرابيط موجوده هذا واقع حطوا حلول نّغزو فهمو الي يشوف ان هذي حالات شاذة بالمجتمع مو كل المسلسلات دق ورقص وشقيق عيييييب يا جماعة ترا الشقيق الي تارسينها الوافدات الي مالهم والي ومنهم الفنانات الي يمثلون بالمسلسلات والجرايد تشهد ليش ما يسون مسلسل عن الفنانات وخرابيطهم عشان نصدق انه واقع لأن اهم عايشين هالواقع العفن.. قبل الواحد يقعد مع أهلة ويجابلون التلفزيون برمضان الحين الواحد وده يشيل التلفزيون برمضان والسبه المصخرة الي فيها
تذكرون؟؟
-محظوظة ومبروكة-رقية وسبيجة-العائلة-خالتي قماشة-فريج العتاوية – درس خصوصي –الفارس الملثم – علقم مر ومدلقم-الأقدار-درب الزلق
آسف اذا في كلمات مو شي مني مناك بس والله من حر ما فيني

27 comments:

Fahad Al Askr said...

ريح بالك وقاطع المسلسلات وقول الشباب بالديوانية أو في البيت إذا أنا موجود لا تحطون مسلسلات حق هتجي شكولة

Mohammad Al-Yousifi said...

ما تنلام

Fteeni said...

والله أنا مقاطع بس لما تروح وتشوف ينعل قلبك من الي تشوفه أشوه هالأيام في مباريات

ButterFlier said...

هيهيهيه

حدك منقهر لول

ديرة بطيخ said...

مسموح ومعذور

وصح السانك

Anonymous said...

9edagt walla!
hal sena o el chum sena ele 6afaw..
el TV 9ayer mo shay!

Fteeni said...

ButterFlier : اي والله ياخوي

ديرة بطيخ: صح بدنك

Wer3Y : لأنهم لاقين الب يطبلهم ويصفق لهم

Nooni said...

اشوف الوالده مانعاتنا من التلفزيون خاصه برمضان ممنوع ينفج

والحل مع هالناس؟

فتى الجبل said...

اي والله
مسلسلات أول كانت تناقش أوضاعنا
بضحكة وبساطة وأدب وكانوا كلهم
كويتيين وحتى اللي مو كويتيين يمثلون
باحترام..الحين وقاحة وقذارة تدل على
سوء تربية اللي يقومون فيها

mtfa2el said...

لازم تصير حملة
للهلاقة حدووود !!!

Fteeni said...

Judy Abbott : ما ألومها الحل ان يوقفون هالكتاب العفنين ويقولون حق الباجي يا تصيرون أوادم ولا مو لازم هالمصخره

Fteeni said...

فتى الجبل : صح السانك وذكرتني بالمسرحيات باي باي لندن والمناخ وحامي الديار وغيرهم مو الحين مهزليات

Fteeni said...

mtfa2el : وانت الصاج لل... حدود

بيت القرين said...

طالما في من يدفع ويعلن

توقع هالمسلسلات واكثر

Fteeni said...

بيت القرين : الشرهة عالشركات بس زين في ناس انضربو هالرمضان عقبال الباجي

Kuwaitizen said...

madri shagolek, bs ee wallah qahar

حلم جميل بوطن أفضل said...

الجميع يشعر بنفس الحرقة

المستوى هابط

someone_q8 said...

السلام عليكم

كلامك عدل وحبيت اقولك فيه مثل يقول من آمن العقوبة أساء الأدب

تخيل كل الكويت اتقول حق هالمسلسلات كلمة وحده وهي : لأ

وتخيل ان فيه وزارة اعلام قوية لها دور كبير في منع هذه المسلسلات من عرضها في التلفزيون وفيه ضريبة كبيرة للشركة اللي تنتج مثل هذه المسلسلات

طبعا كل اللي قاعد اقوله عبارة عن تخيلات واحلام لان الواقع يقول ان الحالة كل ماله واتصير ارده من قبل
لك مني كل تحيةواحترام

Unknown said...

لا مجال للمناقشة
مو قلنا

عهد الروبيضة
ما تصدقنى
:)

Fteeni said...

ما أقدر أزيد على كلامكم الوزيرة عبالي مسلسل سياسي طلع كله مغازل ومصخرة وحتى المتزوج طلع جنس ثالث !!ماكو الا نسوي حملة نوقف هالمهازل لأن محد يفتح حلجة الا لما شباب الكويت يتكلمون

Shaima'a Alkandari said...

ايه ياخوي محد يلومك لي تحجيت
صج انى مو ذاك الزود مع التلفزيون بس امس ماياني نوم ومالى خلق النت فبطلت التلفزيون ولا مسلسل الوزيره انصدمت بصراحه من هالمسلسل والخرابيط اللى فيه يعني لو ابوي او اخوي قاعد يشوفه جان كسر التلفزيون ويمكن يأثر فيه او بغيره

صج يعني انعكاس سيئ لديرتنا امام الدول الثانيه

الله كريم والله يبعدنا ويحفظنا من هالشر اللى ينتشر

Fteeni said...

Shaima'a : اي شهامهم يبون فلوس وبس

عسى الله لا يوفقهم دنيا وآخرة

عاجـل said...

لا تحرون عمركم
اشتغلوا نقد فيهم وطنازة لما تتحول السالفة لقضية رأي عام وكل المنتجين بعدها راح ينضبطون ويعرفون الناس شنو تبي وشنو ما تبي

Fteeni said...

عاجل :السنة في تفاعل أكثر من قبل لأن السالفة مصخت وانشاالله يوقفون عند حدهم

أبو شملان said...

والله ياشيخ فشلونا وشوهو سمعت الكويت

كل من شاف ها المسلسلات وهو بره الكويت
يعتقد بانه الكويت مجموعه سكاره وشواذ بويات وشقق دعاره

ياشيخ الاعلام شوه صورتنا

خلها على الله

Fteeni said...

وشملان كلامك صحيح فشلونا الله لا يوفقهم لا دنيا ولا آخرة قول آمين

dr.5ald said...

السلام عليكم
صح لسانك يا ابوشملان
والله اني ادرس في احد الدول العربية وعبالهم الكويت مثل المسلسلات .......خمور ورقص ودعارة