Friday, August 1, 2008

لي متى؟؟

الى متى وهذا الصمت المطبق على الكويت ووزارة الخارجية على خلفية اختطاف حسين الفضالة؟؟ حسين مواطن كويتي ويجب الدفاع عنه أين نواب مجلس الأمة أين التكتلات السياسية وبالأخص المدافعين عن الحريات والوطنية أليس حسين مواطن كويتي كرامته من كرامتنا أم أنه ليس من المطبلين ولا يعمل صحفيا بصحفكم ؟؟ هذا الموقف أثبت للجميع أن الجميع يلهث خلف مصالحه وكل ما يقال عن الوطنية ما هي الا شعارات للاستهلاك النتخابي الرخيص


أيضا لي متى؟؟
الحبيب أحمد الفهد ينوي العودة الى رئاسة الاتحاد الكويتي لكرة القدم ويطالب بابعاد السياسيين عن الرياضة وراح نكون أول منتخب يلعب بالعراق باستاد الشعب طبعا لأن اللقاء كان بقناة عراقية
طيب يا بوفهد انت مو رجل سياسة ؟
ما كنت وزير؟
مو رئيس جهاز الأمن الوطني؟؟
خلاص يا بابا ابتعد عن الرياضة وعلم نفسك
بعدين ماكو غيرك انت واخوانك الي تمسكون الرياضة؟!!؟
الشهيد الله يرحمة يمكن ما يكون مبدع بالتخطيط والقيادة لكنه كان رجل يجتهد ويدافع عن اللاعبين بشكل كبير
وكان صاحب شخصية قوية ويكفي انه الوحيد الي لغى هدف بكأس العالم
مو شرط اذا ابوك كان رئيس اتحاد لازم انت تصير
ارحمنا انت واخوانك
فكونا منكم جزاكم الله خير
وخلوا الرياضة للرياضيين
الأخ النائب قويعان يقول ثورة البدون قادمة
في تحريض أكبر من هذا؟؟
زين بعد ما تبي نسويلهم كوتا ونعطيهم مقعد بالمجلس؟؟
ديرة مافيها...؟؟ أكمل الفراغ

16 comments:

Dr. Academy said...

حسين له الله و الناس اللي قاعده تتكلم بس ..
لان اعتقد ان اذا بننطر اعضاء المجلس راح يكون مصيره غير معلوم

بالنسبه للشيخ احمد الفهد .. هل احنا عندنا اتحاد كره قدم ؟؟؟

البدون بيسوون نفس البنغال يعني ؟؟

الله يستر على هالديره من اهلها ..

سلام

كويــتي لايــعه كبــده said...

"أنه ليس من المطبلين ولا يعمل صحفيا بصحفكم ؟؟"

yup

"ويطالب بابعاد السياسيين عن الرياضة"

ليش بالله هو صباغ والا نجار؟
صج الوجه ممسوح


انت تسأل لي متى؟

لين يحصل اللي يوقفه بمكانه
...لا تكمل الفراغ

enter-q8 said...

لي متى

يا ريتها يت على المتكسبين سياسياً يا اخوي

الا من بعض الرعاع ممن يحملون جنسية بلدنا

و يرون انه لا يجب مهاجمة اي دولة تختطف ابنائك وخصوصا ايران

لي متى أحمد الفهد

لما مرزوق و كل اعضاء مجلس الامة و التجار يوخرون عن الرياضة للتكسبات الانتخابية

ترى الرياضة اكبر باب لدخول الانتخابات و النجاح فيها
بدئاً من الجمعيات التعاونية و جمعيات النفع العام و نهاية بمجلس الامة

الله يكون بعونك يا بلد من ابنائك

kuwaitforus said...

موضوع حسين قلناه مافيه غير الاعتصام جدام السفارة الايرانية

موضوع أحمد الفهد اذا تبي الصج مافي غيره يقدر ايدير اتحاد القدم ...متفق عليه من الجميع سواء اندية التكتل او المعايير وبيني وبينك يفكنا من السياسة وتدخله فيها

أما الموضوع الأهم وهو البدون انا شفت قناة سكوب بعد احداث البنغال وكان في واحد داق يقول هذا يومكم يا البدون سووا مثل البنغال

قلتها ديرة مافيها .... كملها طال عمرك

enter-q8 said...

كويتنا
هههههههه
تعتصم جدام السفارة الايرانية
انت شوف الكويتيين اللي يدافعون عن ايران اول شي

حِكمة said...

موضوع حسين ماقول غير الله يرجعه سالم

وبالنسبة للحبيب
انا اقول يسوون اتحاد ثاني صغير حقة بروحة يسوي فية الي يبيه ويفكنا من شره

سلام

kuwaitforus said...

enter :
واحنا شكو فيهم وهذيله مايقدرون يكلمون عن عمامهم

Fteeni said...

الله يرد حسين سالم انشالله

بس هم ناطر واحد يكمل الفراغ

كويــتي لايــعه كبــده said...

ديرة مافيها...
"ريــــاييـــــــل"

تأمر بشء ثاني بعد؟
:)

عاد فيها والله علشان لا نظلم أحد لكن ما يمسكونهم شيء علشان لا يتعارضون مع بوقاتهم

لحد يكمل الفراغ منو "هم"؟
:)

Fteeni said...

كويتي : والله تقدر تقول كلامك صح وابي سلامة عمرك

ومحد هم

مــعـــارض said...

"ديرة مافيها "مواطنين

والله من وراء القصد...

Amphibious said...

الله يرد الفضالة وكل الحداقة اللي اختفوا قبله
والكرة تبي اداريين متخصصين مثلا شوف الاتحاد الالماني للكرة منو ماسكة

في بدون صار كويتي وصار عضو بالمجلس
ولائه للكويت ولا لربعه؟

بوست رائع

Fteeni said...

معارض صحيح لأن المواطنين 33% من السكان والباجي أجانب

أي كي : بس الاتحاد الألماني كل التحادات بالعالم يمسكونها نجوم في عالم الكرة الا الدول العربية

والله يرد حسين بالسلامة يا رب

مــعـــارض said...

fteeni:
تحية طيبة يا أخي الكريم، مجهود رائع تشكر عليه جزيل الشكر

للأسف الشديد لم أقصد عدد أو نسبة المواطنين مقارنة بالوافدين...!!!

والله شي يعوّر القلب

العاصي said...

وردة

Fteeni said...

فيها ورد