شركة زين تقوم برعاية المنتخب السعودي الشقيق بنحو 140 مليون ريال؟!! نعم نعلم أن الشركة تدخل للتو في المنافسة في السوق السعودية ولكن أعتقد أن منتخب الكويت الوطني أولى بهذه الرعاية الكريمة من زين خصوصا أن زين "وقفت على ريولها" بأموال كويتية وشفطت الشارد والوارد من جيب المواطن الكويتي والمشكلة الأدهى والأمر أن رئيس مجلس ادارة الشركة هو لاعب سابق ورئيس حالي لنادي كاظمة ويعرف البير وغطاه في الرياضة الكويتية وحاجة الأزرق للدعم والرعاية
مئة وأربعون مليون ريال أي ما يعادل أكثر من 10 ملايين ونصف دينار كويتي
نعم من حق زين رعاية من تشاء لكن الكويت أولى من غيرها
وعلى الشركات الكويتية أن ترعى وتصرف على رعاية فرقنا الكويتية وليس فقط استخدام الشفاط لشفط الفلوس من جيوب المواطنين فعليها دعم أبناء هذا الوطن وهم أولى من غيرهم وأتمنى أن أسمع عن شركة كويتية ترعى منتخبنا
وبمبلغ مالي جيد يتيح لنا فرصة الاستعداد الجيد للقادم من المواعيد الكروية
وتقديم مكافآت لتحفيز اللاعبين بعد كل مبارة من مباريات كأس الخليج للرفع من العزيمة والروح واحساس اللاعبين أن هناك من يقدرهم
14 comments:
احمد ربك ما رعوا اليمن
قلة حيا !!
قلة وفا !!
اي و الله منتخبنا مساكين
والله مسكين هالمنتخب
ما يدري منو طقاقه
أعنبوكم وخروا مشاكلكم الشخصيه عن أسم الكويت
تكرم شين
مو غريبة عليها
الأداء السئ لمنتخب السعودية من بركات رعاية زين
تصدق أمس قاعد أتحلطم على هالموضوع
الفرق شاسع بين الرياضه عندنا والرياضة بالسعودية
ابذمتك منو الشركة العبيطة اللي ابتصرف هالمبلغ على الرياضة الكويتية خصوصا ان الفلوس اكيد راح اتضيع بين الدايخين الكبار واللاعب بالنهاية ماراح احصل شي لا كاش ولا تأهيل ولا بطيخ
هم ما يشوفونها أولى والا مو اولى
هم يشوفون مصلحتهم وين
سوق الكويت قاطينه بالمخباة بحكم الواسطات والنفوذ
اما سوق السعودية يبيله شغل
ناس ما تحس الا بالدينار
لهالسبب ادعي الكل للتخلي عن زين والتوجه الى فيفا
هذه اللغه اللي يفهمونها
لو شركة ثانيه غير زين جان شرهت عليها
مطقوق : يرعون الي يرعونه بس هم منتخبنا أولى
بوبدر :يعني بس مليون مو عشرة ما نبي شي
فاشونستا : الله يوفقهم انشالله والخير جدام يمكن الشركات تحس على دمها
نانو : انشالله هالسنة غير
انتر كويت :على قولتك شين موغريبة عليها الباجي وينهم؟
أبوجيج : هم ممكن
ابو الدستور : الكل والله
جازي : معلش الفرق شاسع بس هذا واجب وطني عالأقل مليون ما نبي 10
كويتي : صح اسانك الدينار أولى عندهم
انج كويت : شركاتنا تتبرع حق الغريب بس
ممكن أعطيكم وجهة نظر متحيزة؟
رعاية المنتخب السعودي جاءت من "زين السعودية".. و يا جماعة ترا رعاية المنتخبات هذا شأن من شؤون فروع زين في الدول و ليس من إدارة مجموعة زين كاملة.
اتمنى إن المعلومة تكون وصلت و إن ما يتم إقحامها في كل كبيرة و صغيرة!
يا جماعة الخير طولوا بالكم و سمعوني للاخر قبل ما تحكمون على كلامي لاني ما اتفق معاكم:
اول شي زين صارت شركة عالمية و معندها مسؤولية جدام المساهمين او هي شركة ربحية مو خيرية و فلوسها مالت مساهمين يبون ارباح و مو بس من الكويت فالقرارات اللي تتخذها يشفونها من منظور تجاري مو سياسي ولا عاطفي .. هذا اولا
ثانيا وين كلامكم عن حرية التجارة و دعم القطاع الخاص , كل ما شركة ربحت و صارت ناجحة قلتوا تشفط فلوس الكويتين, يعني تبون تتكلمون ببلاش, تخيل شكل الخدمة لو كانت ماسكتها وزارة المواصلات جان الخدمة و السيرفس و المعاملة الله بالخير, انا داومت مهندس فترة بزين و شفت المضايقات اللي من الوزارات من بطئ معملات غير كل شوي حفارة البلدية طاقة كيبل و تعال راكض وقضايا على ما يعوضونك.. اقول الصراحة بس محد يزعل .. انا اشوف المفروض زين تمن على الكويت ان اصلها منها مو العكس.. الناس يبون يدعمون فريق مو عمل خير يبون فريق يلعب ببطولات عشان يسوي دعاية حقهم .. انتوا اول شي سنعوا منتخبكم و اخذوه من عيال الفهد اللي بايقينه بوق بعدين شوفوا يدعمونكم ولا لأ
سرحان
مساء الخير
ميزانية زين السعودية من قرض كبير تتحمله المجموعة، وتعلم جيدا أن مثل تلك الرعاية لا تتم الا بموافقة مجلس ادارة المجموعة.
واعلان زين اليوم جاء ردت فعل على اعلان فيفا والوطنية، يعني صاروا Followers فيها، مثل سالفة المكالمات المحلية.
Post a Comment