Wednesday, June 16, 2010

طلال الفهد X ناصر المحمد






أريد تفسير منطقي يقنعني بان الشيخ طلال الفهد على صواب ؟؟


هل كسر القوانين و البلطجة و جو " إحنا ننط بيوت و اكسر "


هو الجو العام في بلد يحتقر القانون مثل الكويت ؟


ببلد لا يحترم المنضبط و المحترم ؟ في بلد يموت قيه العاقل ؟


يترأس حكومته شخص مثل ناصر محمد احمد الصباح ؟


و بدون "" ال "" فهذا الرجل علاقته بالسياسة مثل علاقتي بالتايكوندو . .


ناصر المحمد أنت رجل أمامك امتحان سهل ممتنع


ارسل


"مسج "



إما أن تتطبق القانون و تعيد للدولة أو "" بقايا الدولة الهيبة ""


او انك ترسل "مسج" رسمي بأنك تيش ببريش و انك رجل مؤقت حتى تتقل لولاية العهد لا بارك الله بعهد أنت تقوده


العدل هو أساس الملك يا ولد الحلال افهم !!!


و الله ما يبقى لهذا الوطن شي إذا تركنا الحبل على القارب


اذا ما كنت تدري ف ولد عمك هان كرامة القانون يالاصلاحي !!


والله الكويت ابيعم فيها الفساد و التهور و الهوان



إذا ما وقفت طلال الفهد !! افهم يا حظي

5 comments:

الدســتور said...

يا ابن الحلال

طلال كسر بيوت ولسب مسؤولين

ومحد كلمه

تبي الحين يطلع من الاتحاد بارده مبرده

انســـــــــــى

الراي الحر said...

انتو طبقو القوانين العالمية بعدين تكلمو عن قوانينكم المحلية

اساسا الكويت مو محترمه قوانين الفيفا ومو مطبقة اوامرها !!

واذا منظمة عالمية كل العالم اللي تحتها محترمها الى انتو وربعكم ! شلون تبينا نحترم قوانين الديرة المحلية الخرائية والحجرية والمزاجية !!!؟

Faisal said...

في نفس الوقت اللي الناس تطالب فيه بتطبيق القوانين المحلية "على الرياضة بس" المنظمات الدولية لحقوق الإنسان تتهم الكويت بالمتاجرة بالبشر، ومع العلم فإن دستور الكويت استند إلى معاهدات حقوق الإنسان في التحكيم بين الناس ومعاملة الناس في الكويت، بس منو يطالب بتطبيق القوانين الكويتية أو حتى الدولية في مجال حقوق الإنسان ؟ الجواب محد

تدري شنو تفسيري حق هالشي، لأن ماكو عذبي أو خالد أو أحمد أو طلال بالموضوع، يعني ربعك هاللي مسوين روحهم أهل القانون ما يقدرون يتكلمون عن شي ما فيه هالناس لأنهم ما راح يحصلون أحد يساعدهم.

شنو الفرق بين إتحاد طلال ولجنة أحمد اليوسف اللي تطالبون إنها ترد ؟ ترا اثنين مخالفين للقانون الكويتي، بس السؤال ليش محد يطالب بتطبيق القانون الكويتي اللي يقول إن الهيئة هي اللي تعين اللجان الإنتقالية ؟

إذا تبي تطبق القانون يا تطبقه على الكل ولا لا تطبقه على أحد.

panadool said...

أول ما شفت الصورة خطرت على بالي مكينة الحلاقة
:)


وطلال ماشي ماشي
بالطيب بالحل الودي بالإستجواب
راح يمشي


تحياتى

le Koweit said...

لووووول
انا نفس بنادول

اول ما شفت الصورة طرا على بالي حلاق الجمعية
يقولك يحلق بنص دينار !

المهم،
هالاستجواب تهويشة
ليس الا