نقطة من أول السطر

في عز إغتصاب الدستور و بأكبر فجوه بين الشعب و النظام ...

بعد حل مجلس 86 و رقي الشعب المسالم بإحترام الوضع السياسي الخارجي

وغليان دول الجوار و الحرب القائمة بين الجيران ..

و بعد انقضائها و عودة التحرك الشعبي بقيادة أحمد السعدون و نواب الامه..

و تزمت النظام و الأسرة الحاكمة.. و غرور اصحاب القرار..

في فجر يوم إجازة و بعز الصيف... و بأقل من ساعتين .. دخل صدام..

و هرب النظام ... و بق الشعب يواجه جحافل النظام العراقي الجاف ..

شعب الصداقة و السلام ... إنغزا !!! وين الحكومة و وين النظام ؟ ؟

بلد بلا حكم ... الارض احتلت ... ....

و بعدين ؟؟؟ شنو المطلوب ؟ ؟؟ عودة الشرعية؟؟ طيب...

شنو نحتاج ؟؟؟ مؤتمر؟ ؟ مبايعة ثانية؟؟؟

تم... مؤتمر جدة و تعال يالسعدون أنت ممثل الشعب الكويتي ...

جدد الثقة و بايع جابر الاحمد... و عطه الشرعية... عشان الوطن

عشان مالنا غير الصباح سند.. و عزهم من عزنا ...

عشان من 300 سنة ... شيخنا اسرة الصباح عشان تقود البلد ...

عشان حا شعب يقدر العهد...

7

شهور و حنا بلا وطن بلا ارض و فوق الألف شهيد و فوق السبعمية أسير...

و النظام يحاول و حنا نقاوم .....

وردت الديرة في 26/2/1991

نعم ردت الكويت مشوها مكسرة مجروحه

محد حس ؟؟ محد قدر ؟؟ الديرة منتهيه وين البلد ؟؟ وين العهد ؟؟

ردت البلد عمُر يا فلان ... طوُر يا علنتان ...

يا الحبيب وين المجلس و الدستور و وين وعد جدة ؟؟؟

امس الغزو و اليوم الديره حرة .. ردو الشرعية.. نبي نبني

نبي نعرف ...

منو السبب ؟؟ منو السبب ؟؟؟

شلون ننغزي و الكل يدري ؟؟

و محد قاوم و محد نبه ؟؟؟

ردو الشرعية ...

و رد الوطن

و ردت الشرعية ..

بس الكويت من دوله الى و طن فرق كبير

و للأسف لازم نصفق و نقول ان الوطن رجع بس مشوه و مجروح و الغلط من ...

نقطة من أول السطر