Monday, November 3, 2008

شلونك زين؟؟+عجب يا عجب

بعد تعليق النشاط الكروي خرج لنا الشيخ أحمد الفهد بتصريح يطالب تدخل الحكماء المحبين للكويت!! حكماء مين والناس نايمين يا بو فهد سنتين محد حس على دمه وفكر يحل المشكلة فمعناته لا اتعب نفسك ماكو حكماء لأن لو كان في جان ما وصلنا الى هالحاله وانحلت السالفة من زمان أما الي يتدخل بعد ما يطيح الفاس بالراس وبعد سنتين هذا أترك لقبه للزملاء المدونين حرية اطلاق الألقاب عليهم بعدين في استفتاء في موقع كورة دوت كوم يعني مو أنا مسويه ولا مطقوق ولا بيت القرين ولا أي مواطن كويتي هذه نتايجه قبل لا انزل البوست بلحظات





شرايك بالنتيجة؟؟
أربعه وخمسين بالاميه يقولون طلال وربعه وتقريبا 23 بالامية يقولون الحكومة بقى 23 بالأمية موزعه عالمجلس وأندية المعايير
جان تدخلت وحليتها من زماااااااان
بعيد عن المشاكل بس اب صميم كرة القدم يا جماعة صوتوا حق أحمد عجب بمسابقة أكثر اللاعبين شعبية على مستوى العالم أهو الحين بين العشرين الأوائل شدوا حيلكم وياه يستاهل عجب








9 comments:

ma6goog said...

نهني الشيخ طلال على الاكتساح

يستاهل شيخنا

و هم يستاهل عجب

Fteeni said...

يصير تصوت حق عجب أكثر من مرة بس طلال ما يصير الا مرة

JiBLa CiTY said...

يستاهلون بني قادس بالزينة والشينة

خخ

كويــتي لايــعه كبــده said...

"أحمد الفهد يطالب تدخل الحكماء المحبين للكويت"
!؟!؟

الحكماء لو تكلموا كان جعموه!

لكن ضامن عمره

Fahad Al Askr said...

ليش متضايق

الشيخ حب يتشاقى معانا

abu eldestor said...

الشيخ طلال بكل شي مكتسح
عيني عليه بارده

عثماني said...

عاد من يقنع بنتيجة هالاستفتاء!!؟

جماعة طلال يشوفونه الالاه الاكبر و العياذ بالله

ما يغلط

يا جماعة الريال الغلط راكبه من راسة الى ساسه

و كل الناس شايفه هالشي

ليش نكابر؟؟

Fteeni said...

جبلة ستي : ماكو غيرهم

كويتي : بس وينهم!! جان جعموه

فهد : عاد أهو يحب يتشاقى وايد

أبو الدستور :عقبال ما يكسحونه

عثماني : لأن ما يواجه وما يحط نفسه بويه المدفع يخلي غيره يصرح وأهو يطلع منها ويسوي نفسه برئ تلفزيون وجريدة الراي اعيزوا وهم يقولونله واجه العالم ما رد عليهم

kuwaitawy said...

يستاهل بوعجب