Thursday, November 6, 2008

افهم يا فهيم





من صد عنا ما حسبنا له حساب


الرزق عند الله وهذا اختياره


إن جا نحطه بين طيات الأهداب


وإن صد ما عشنا العمر بإنتظاره


ومن طق باب الجود يحظى بترحاب


ومن طق باب البخل شاف احتقاره


ومن رافق أهل الطيب طابوا له وطاب


إن ما ربح ما شاف منهم خساره


ومن ناظر أهل العيب بعيون الإعجاب


سلك مسلكهم وضيع مساره


ومن لا يطيع الشور في مسلكه خاب


عقل الذكي يضويه نور استشاره

10 comments:

nanonano said...

اللللللللللللللللللله

يسلم لسانك

بس مشكلتي أن ما أعرف أصد
:((((((

كويــتي لايــعه كبــده said...

صح لسانك

عز الله انها حكم
ومعاني القصيد كثيـــــــره

منو الشاعر؟ انت؟

سواءا الشاعر والا الناقل
عساك سالم

Fahad Al Askr said...

بورسلي وإلا زيد الحرب؟

abu eldestor said...

صح لسان اللي كتبها وقالها ودونها بعد

ButterFlier said...

مشكورين يالربع و يالربعات

منقول بس والله عجبني

ملزوم اتنقصه لكم

:)

Mamloo7a Q8ia said...

خوش نقصه بيض الله ويهك
تسلم يا وخيي

مطعم باكه said...

أبيات رائعة .. تسلم ..

bo bader said...

من أروع ما قريت !!

تسلم إيدك ..

حسافتج يا كويت said...

صح لسانك

Yang said...

صح لسانك