Wednesday, July 16, 2008

برنامج الديوانية









أقسم بالله اني أكتب هذا البوست من


كثر ما أنا تنرفزت من البرنامج السخيف و الهابط



اللي جبلنا كل يوم نسمعه.. كلام بذيء

و إسقاطات بالهبل و مفردات واطيه و مجموعة



شرذمه متجمعه وعلينا أن نسمع هالكلام الهابط..

أدري بعضكم بقول غير القناة أو شغل



الآي بود أو سي دي بس أنا شخص مالي بالتكنولوجي


و هم أبس أسمع الراديو
وأنا والله



كنت من المعجبين بالبرنامج في بداياته


و كنت مندمج يعني و أدز مسجات بعد بس و دي



أحلل المذيعيين. و تحملوني شوي...



طلال الياقوت:


الحبيب مدير القناة


و باختصار الرجل رقم واحد


و هم مذيع ماشي ... مشكلته أنه عباله



وايد خفيف طينه و وايد واصل و ايد خابز الدنيا


و هو الوحيد اللي يعرف أنجليزي
بالكويت


و ماشاءالله كل الكبار ربعه و كله فاهم بأمور البيت و الحريم


و الحبيب كله
صايدها ما شاءالله عليه..



خالد الأنصاري:


باختصار عباله أنه فيلكا أهيا إبيزا و وايد لجنا فيها


و همن يكلم الناس بغرور جنه المنا
علينا و لازم نبوس إيدنا و


أن العم خالد قاعد
يكلمنا مباشره لا و كل شي يعرفه ماكو شي



طافه بحياته ؟ من مسرحية الزرزور ليه بيونسي ؟ حبيبي شفيك ؟




مايك مبلتع:



طبعا هذا يبيله بوست بروحه والله


بدون مبالغه أسخف إنسان بكوكب الأرض يقط قطات



عباله بقهوه قاعد حبيبي وين أخلاق الإعلامي


لا و يخاف ينقال أسمه الحبيب شدعوه



مسافر المغرب ؟ مذيع أنت يا السقيييييل !!



و همن ولا نشره حلوه كلا سخافه
لجنا الله




يلجه و كل شوي مغيرلي صوته يعني أنا منولوجست


أنا اقول الأعلام أخلاق يا حجي ..





أهبط فنان كوميدي على مستوى درب التبانه" طارق العلي " :




هذا عاد باليوم يقول


"" الله يحفظ الكويت و شيوخها ""


300 مره و الحبيب خابز



الدنيا فوق تحت و لجنا بمرته أم محمد ما أم محمد


شدعوا كاترين زيتا جونس؟ وكل يوم



شاكرلي إداره من إدارات الدوله


و الحبيب مخلص معامله .. إحنا شكو ؟




باختصار:




والله أن كل يوم تعلونا و ماكو أسخف منكم


أما أن ترتقوا بالعمل اللي تقدمونه أو بلاها



ماقط لقيت واحد معجب ببرنامجكم

20 comments:

Mohammad Al-Yousifi said...

طب فيهم كلهم الا مايكو مبلتعو

دمه خفيف

Bad-Ran said...

الله يحفظ الكويت وشيوخها .. ركز على شيوخها :)

Unknown said...

أفلام
افلام أفلام

يلوعون الجبد
انا طارق العلي ما ابلعه لو حاطين بو سلمي يقولوك يسوي شغل

Fahad Al Askr said...

أنا قبل سنة كنت مثلك، لكن بعد فضل الله وملاقة ربع برنامج الديوانية قبل لا ينضم لهم طارق العلي، قررت أغير الواقع اللي أنا أعيشه كل يوم وأتعلم على الأي بود

والحين أبشرك عقب سبع شهور أحس حتى حياتي ونظرتي للأمور تغيرت وايد، ورد ويهي مثل ما كان، وأحس بعد إني صرت وايد أحسن من قبل

كويــتي لايــعه كبــده said...

الياقوت اسأل عنه يوم كان بالاعلام (الراديو 99.7) وقت الوزير سعود الصباح

طارق العلي لزوم جنسية "الخدمات الجليلة"

ولك عن اللي يدري ان طارق العلي انظم لهم اصلا. القناه بكبرها ما اتحملها من ملاكها الى مذيعينها.

ريح راسك بآيبود والا أي قناه ثانية على الأقل.

enter-q8 said...

مو شي غريب
هذا النمط السائد بالكويت

الصعود الى الهاوية

انا اللي قاهرني شي واحد اسم البرنامج
الديوانية

يعني بالله الديواوين جذي

ياعزيزي
شكلهم باختصار ما يقعدون بدوانيات
يقعدون بشقيق
والا على راس العاير

Anonymous said...

اليوم طارق العلي يقول " عمي الشيخ جابر المبارك" يحليله اصلي
المشكله فداوي ودمه ثجيل انا خابرهم دمهم خفيف
----------
بس تر مايك مبلتع دمه خفيف وكافي انه يتحجا كويتي

بومريوم said...

زين اشوة مو بس انا ما ابلع الياقوت
بس تدرى
المشكلة مو بالبرنامج
المصيبة باللى يتصلون و يشكون مشاكلهم و قصص حياتهم على الهوا بالبرنامج

kuwaitforus said...

وجــهـــــة نظر

انا ما أسمعله لاني أكون بهالحزة مشغول لكن الأكيد ان في ناس يحبون البرنامج

سرحان said...

صحيح...

Don Juan said...

طارق العلي سندر روسنا بقيادات الداخلية :/

حياتي هدف مو عبث said...

اكثر من شخص قال انه برنامج سخيف وماله معنى

مع إني ولا مره سمعته

لكن الشرهه على اللي يدقون عليهم
ويعطونهم مجال للإستمرار

guevara said...

الصراحه انا من اسمعهم اتلوع جبدي
اما بالنسبه لطارق العلي ما اقول الا
الله يرحم يوم كنت تركض ورا داوود حسين المليق الثاني عشان تترزق من المسرحيات

Anonymous said...

الخط فيه شي ولا انا عيني زغللت ؟

بـنـت بـطنـهـا said...

من انضم له طارق العلي واهو صاير املق من ملاقته قبل
حسبي الله على بليسهم كرهونا حتى بالرادو

hajora kuwait said...

انا اشوف البرنامج حلو ومن احسن ما يكون .. وماكو شي كامل !!
ومايك مبلتع على العين والراس
وسالفة انه ما قال اسمعه !! هذا اسمه كراكتير والي تسميه

يعني شي يديد .. وثانيا انت قلت رايك فيهم وكنت تسمعهم اوكي شلي خلاك فجأه تشوفهم مو اوكي

وفي الف واحد عاجبه البرنامج

مو كل برنامج لازم الكل يعجبه في ناس يعجبها في لأ

وانا اشوف وجة نظرك غلط !!

خالد لا شايف نفسه ولا شي انا اشوف احسن واحد فيهم

وانا عندي احسن واحد فيهم مايك مبلتع والكل على عيني وراسي :) وكل واحد ووجهة نظره

broonzaj said...

WANASA!!

ashwa 6ala3t mo bs ana elwa7eeda ele ma awa6enhom wana 3abali kil el kuwait tesma3hom o te7ebhom o kil eldewaweeen chithi !!!

* ASHWAA * walla hal barnamij shakakni eb 7is el fukaha 3indi! :)

ELDEWANYA = MO KAFI ELTHEHER GAMAW YE3EDOONA BILAIL...

mike embalta3 = AMLAAAQ !! etha sema3ta wana asoog kha6ar ad3am

6ariq el3ali = RA7AT 3ALEK MIN ZAMAAAAN

88.8= MA TENSEME3 AGHANEEHA AGHANY YAHAL :)

el amlaq le 7a6loina remixat eljassmi o sean paul
"ahlag"

KHALED M ALANSARI said...

i appreciate all of your comments and respect them all , i know you are all aiming for the best and wishing that we present somthing better and high standard media. i would love to hear your comments on how to make it better please. this way you will be able to help us more nagitive things in some ways are presented in a rude way, why is that ? just say what you feel in a productive way so everybody will listen to you and help us get better you are teh audience and without you we are nothing.

Thank you all with love
KHALED ALANSARI - MARINAFM

KHALED M ALANSARI said...
This comment has been removed by the author.
N a 9 i R said...

في شغلة وحدة اتفق معاك فيها واهي انه مستوى البرنامج نزل عن أول !!

هل لأنه كان فكرة يديدة و مستانسين عليه وبعدين صار عادي ! أو لأن صج صارت المادة مليق و التقديم روتيني ؟؟



لكن احس للحين البرنامج ينسمع له يعني اوكي يمكن ما تعجبني كل الفقرات لكن بالنهاية انت قاعد بالسيارة فاضي و أوادم قاع يسولون و اغاني..


طلال و خالد و مايك اوكي
لكن طارق مشكلته مشكله مرة يقط لك قطه يسدحك من الضحك و عشر مرات يسقلها عباله قاعد بمسرحية !!

شغلة أخيرة لازم نعرفها إن مارينا و برنامج الدوانية موجه للكويت كلها بكل شرايحها و فئاتها فلا تتوقعون إن كل شي ينحط فيها يعجبكم لأن الناس اذواق ..